| Pasa_007 | Date: Çərşənbə axşamı, 2012-07-24, 1:40 PM | Message # 1 |
|
Mayor Genearl
Group: Administrator
Messages: 312
Status: Offline
| "Arşın mal alan" filmi-böyük Azərbaycan bəstəkarı və dramaturqu Üzeyir Hacıbəyovun məhşur musiqili komediyasının əsasında ekranlaşdırılmışdır.
Məzmun
Bakı, XX əsrin əvvəli. Gənc tacir Əsgər(Rəşid Behbudov) evlənmək fikrinə düşür. Lakin dövrün qaydalarından fərqli olaraq o, qızı toydan öncə görüb sonra evlənmək istəyir. Bəs nə etməli? Bu məsələnin həllində dostu Süleyman(İsmayıl Əfəndiyev) onun köməyinə gəlir...
______________________________________________________________________________________________________
Film Haqqında
Film aktyor-müğənni Rəşid Behbudovun kinoda ilk işidir.
Film aktyor Lütfəli Abdullayevin kinoda ilk işidir.
Musiqili film dahi Azərbaycan bəstəkarı Üzeyir Hacıbəyovun eyniadlı operettası əsasında ekranlaşdırılmışdır.
Təkcə 1945-ci ildə bu filmə (ekrana buraxıldıqdan sonra) 16,27 milyon tamaşaçı baxmışdır. 8-ci yeri tutmaqla prokat lideri olmuşdur. ("Domaşnaya Sinematika" bədii filmlərinin kataloqu. Moskva, 1966).
Film nəinki Azərbaycan, həm də sovet kinosuna dünya şöhrəti qazandırmışdır.
Rusiya kinosunun 100 illiyi münasibətilə aparılan sosioloji tədqiqatlar nəticəsində sovet kinosunun inkişafına əhəmiyyətli təsir göstərmiş sovet filmlərinin və sovet ekranında uzun illər nümayiş etdirilmiş xarici ölkə filmlərinin arasından "100 Sevimli film" seçilmişdir. Həmin filmlər üç hissəyə-Qızıl, Gümüş və Bürünc siyahılara ayrılmışdır. 1945-ci ildə istehsal olunmuş "Arşın Mal Alan" kinokomediyası məşhur kino mütəxəssislərinin yekdil rəyi ilə "Qızıl Siyahı" ya daxil edilmişdir. ("Oqonyok" jurnalı, № 2, Yanvar, 1996).
Film 136 ölkədə nümayiş etdirilmiş, 86 dilə tərcümə edilmişdir.
Soltan bəy obrazını oynayan Ələkbər Hüseynzadə filmdən əvvəl 600 dəfə səhnədə bu obraza həyat vermişdir.
Mədəniyyət və Turizm Nazirliyi Beynəlxalq Bankın maliyyə dəstəyilə "Arşın mal alan" filminin Moskva Film Fondundakı nüsxəsinin ölkəmizə gətirilərək, Azərbaycan dilində yenidən bərpa olunmasını təşkil edib. 16 May, 2006-cı ildə film 60 illiyində ilk dəfə nümayiş etdirilib.
Filmin çəkilməsi Stalinin göstərişi ilə həyata keçirildiyindən Mir Cəfər Bağırov çəkilişlərə xüsusi nəzarət etmişdir.
Filmdə gözə dəyən nə varsa hamısı təbiidir. Bu filmdə ümumiyyətlə butafordan istifadə edilməyib. Qızıl, bəzək əşyalarından tutmuş bütün ev əşyalarına qədər hər şey təbii və həqiqətən qiymətli əşyalardır. Rəşid Behbudov xatırlayırdı ki, çəkilişlərdə istifadə olunan qiymətli əşyalar muzeydən və xüsusi elanlarla əhalidən çəkiliş müddətinə götürülmüşdü.
Leyla Bədirbəyli Gülçöhrə roluna 50 qızın içərisindən seçilmişdi.
______________________________________________________________________________________________________
Festivallar və Mükafatlar
1)1946-cı ildə
Bəstəkar Üzeyir Hacıbəyova (ölümündən sonra), rejissor Rza Təhmasibə, aktrisa Leyla Bədirbəyliyə, aktrisa Münəvvər Kələntərliyə, aktyor Rəşid Behbudova, aktyor Lütfəli Abdullayevə və aktyor Ələkbər Hüseynzadəyə SSRİ Dövlət Mükafatı verilmişdir.
______________________________________________________________________________________________________
Filmin üzərində İşləyənlər
Əsərin Müəllifi : Üzeyir Hacıbəyov(titrlərdə yoxdur)
Ssenari Müəllifi : Sabit Rəhman
Quruluşçu Rejissor : Rza Təhmasib, Nikolay Leşşenko
Rejissor : İsmayıl Əfəndiyev
Quruluşçu Operator : Əlisəttar Atakişiyev, Muxtar Dadaşov
Bəstəkar : Üzeyir Hacıbəyov(titrlərdə yoxdur)
Musiqi Redaktoru : Niyazi
Səs Operatoru : Ağahüseyn Kərimov
Quruluşçu Rəssam : Yuri Şvets
Rəssam : Ağamehdi Qumriyev
Geyim Rəssamı : İsmayıl Axundov
Mahnıları Rus Dilinə Tərcümə edən : Tatyana Streşneva
Rejissor Assistenti : Zeynəb Kazımova, Əlisəttar Məlikov, N. Rusanova
Montaj üzrə Assistent : A. Strijova
Operator Assistenti : Kazım Həsənov
Filmin Direktoru : Daniil Yevdayev, Teymur Hüseynov
Xoreoqrafiya Müəllifi : Əlibaba Abdullayev(titrlərdə yoxdur)
______________________________________________________________________________________________________
Rollarda
Rəşid Behbudov-Əsgər
Leyla Bədirbəyli(Leyla Cavanşirova kimi)-Gülçöhrə
Ələkbər Hüseynzadə-Soltan bəy
İsmayıl Əfəndiyev-Süleyman
Münəvvər Kələntərli-Cahan xala
Lütfəli Abdullayev-Vəli
Fatma Mehrəliyeva-Telli
Rəhilə Mustafayeva-Asya
Mirzəağa Əliyev-Məşədi İbad
______________________________________________________________________________________________________
Əsərin Müəllifi-------Üzeyir Hacıbəyov
Ssenari Müəllifi------Sabit Rəhman
Rejissor ----------- Rza Təhmasib, Nikolay Leşşenko
Operator ------- Əlisəttar Atakişiyev, Muxtar Dadaşov
Rəssam- - - - - - Yuri Şvets
Bəstəkar --- - - - - -Üzeyir Hacıbəyov
Səs Operatoru --- Ağahüseyn Kərimov
Janr
1.Komediya
2.Məhəbbət
3.Musiqili
İlk Baxış Tarixi- - - 21 Yanvar, 1949, Finlandiya
29 İyul, 1950, ABŞ
16 May, 2006, Bakı(bərpa edilmiş versiyası-azəricə)
Dil- - - - Azərbaycan dili
Ölkə - - - Azərbaycan
İstehsalçı Kompaniya- - -Bakı Kinostudiyası
Filmin Növü- - - Tammetrajlı Bədii Film
Rəng - - -Ağ-Qara
Vaxt- - -99 dəq.
İl - - -1945
Film Çəkilən Yerlər- - --Bakı
|
| |
| |
